काठमाण्डौं । इन्स्योरेन्स समूहमा लगानीकर्ता झुम्मिएपछि हिजो बुधबार घटेको बजार आज विहीबार करिब १२ अंकले बढ्न पुगेकोछ । आज सेयरबजारमा १४१ कम्पनीको एक अर्ब ४८ करोड रुपैयाँ बराबरको शेयर किनबेच भएको छ ।
आज बिहीबार बजार बन्द हुँदा नेप्से परिसूचक १७९८.८३ अंकमा पुगेको छ । बजार बढेपनि कारोबार रकम भने हिजोको तुलनामा ६४ करोड रुपैयाँ घट्न पुगेकोछ ।
बैंकिङ र इन्स्योरेन्स समूह उकालो लागेपछि बजारको सूचक बढ्न पुगेको हो । इन्स्योरेन्स समूहको सूचक आज १२५ अंकले बढेको छ भने बाणिज्य बैंक समूहको ५.८ प्रतिशतले बढेको छ ।
६ साउन २०७३, ४.००
वि.सं.२०७३ साउन ६ बिहीवार १६:३३ मा प्रकाशित
