काठमाडौं । कच्चा तेलको मूल्यमा शुक्रबार गिरावट आएको छ । अमेरिकाबाट प्रकाशित तथ्याङ्क र रिर्पोटहरुका अनुसार, इराकबाट हुने कच्चा तेलको आपूर्तिमा वृद्धि भएको छ र यसकारण तेलको मूल्यमा गिरावट आएको हो ।
विश्लेषकहरुका अनुसार, जमीन र जमीन मुनी दुवैमा तेलको संचय बढेकाले, माग र आपूर्तिमा असन्तुलन आएको हो ।
हालका दिनहरुमा अमेरिकी तेल उत्पादन घटेको भए तापनि भण्डारण भने निकै बढेको छ । ईनर्जि इन्फरमेसन एडमिनिस्टे«शनका अनुसार तेलको भण्डारण वृद्धि भई यस वर्षकै उच्च ५१९ दशमलव ५ मिलियन ब्यारेल पुगेको छ ।
गत बुधबार ई।आई।ए। ले १५ जुलाई २०१६ सम्मका लागि तेलको भण्डारण २ दशमलव ३ मिलियन ब्यारेलले घटेको साप्ताहिक रिर्पोट प्रकाशित गरेको थियो । रिपोर्टका अनुसार जुलाई महिनामा ईराकी तेल आपुर्तिमा अझ वृद्धि हुनेछ । यस वृद्धिले इराकलाई ओपेक राष्ट्रहरुको तेल निर्यातकर्ताको सूचिमा साउदि अरेविया पछि दोश्रो स्थानमा पु¥याउने छ । २१ जुलाई सम्मको तथ्याङ्क हर्दा, कच्चा तेलको प्रति दिनको औसत आपूर्ति ३ दशमलव २८ मिलियन ब्यारेल पुगेको छ । जून महिनामा औसत आपूर्ति ३ दशमलव १८ मिलियन ब्यारेल कायम रहेको थियो ।
यो समाचार तयार पार्दा सम्म, कच्चा तेलको मूल्य घटेर अमेरिकी डलर ४४ दशमलव २४ प्रति ब्यारेल पुगेको थियो, जुन ११ मे २०१६ यताकै न्युन मूल्य हो ।
प्रकाशितः २०७३ साउन ८
वि.सं.२०७३ साउन ८ शनिवार १०:४१ मा प्रकाशित