काठमाडौं । साउन १ गतेदेखि बजारमा आएको टी–मिल्क अहिले काठमाडौंमा दैनिक ३ हजार लिटर बिक्न थालेको छ । सरकारी स्वामित्वको दुग्ध विकास संस्थान (डीडीसी)ले चिया र कफीका लागि छुट्टै उत्पादन गरेको दूध बजारमा छोटो समयमै निकै रुचाइएको छ ।
बजारमा बिक्री हुने दूधको ठूलो परिणाम चियामा प्रयोग हुने गरेको पाइएको भन्दै संस्थानले चियाका लागि छुट्टै दूध बजारमा ल्याएको हो । भारतमा चियाका लागि छुट्टै दूध बिक्री भइरहेको अभ्यासलाई डिडीसीले आत्मसाथ गरेको हो । यो दूध चिया र कफी लागि स्वादिलो र उपयुक्त छ ।
डीडीसीले अहिले विभिन्न ४ प्रकारको प्याकिङ दूध उपलव्ध गराएको छ । कम चिल्लो पदार्थ भएको नीलो प्याकेटको दूधको मूल्य हाल बजारमा प्रतिलिटर ६४ रुपैयाँ पर्छ ।
बढी चिल्लो पदार्थ भएको हरियो प्याकेटको दूधको मूल्य प्रतिलिटर ८० रुपैयाँ छ । त्यस्तै गाईको दूध प्रतिलिटर ७२ रुपैयाँ छ । चिया दूधको मूल्य ६० रुपैयाँ छ ।
प्रकाशितः २०७३ साउन ८
वि.सं.२०७३ साउन ८ शनिवार ११:०० मा प्रकाशित
