टोकियो । शान्त र सुरक्षित मानिने जापानको राजधानीभन्दा ५० किलोमिटर टाढाको सागाहिरा शहरमा अपाङ्गहरुलाई राखिने ठाउँमा एक व्यक्तिले चक्कुको प्रहारबाट कम्तिमा १९ जनाको हत्या गरेका छन् भने २० जना घाइते भएका छन्।
रातीको २ बजेर ३० मिनेट जाँदा उक्त घटना भएको बताइएकोछ । त्यसको करिब दुई घन्टापछि सातोसी युमेत्सु भनिने व्यक्तिले प्रहरी चौकीमा गएर आत्मसर्पण गरे । उनले चक्कु आफ्नो कारमै छाडेर प्रहरी चौकी छिरेका थिए । हत्यारा भनिएका २६ वर्षे ती व्यक्ति जागिर गुमाएपछि विक्षिप्त बनेका थिए । बिहान २ बजेर १० मिनेटमा झ्यालको सीसा फोडेर मानसिक अपाङ्गता भएका १ सय ५० जनालाई राखिएको सुकाइ यामायुरी इनभित्र छिरेर यस्तो घटना गरेका हुन् ।
यो घटनालाई दोस्रो विश्वयुद्धपछि जापानको सबैभन्दा ठूलो आम संहारका रुपमा लिइएको छ।
११ साउन २०७३, ९.००
वि.सं.२०७३ साउन ११ मंगलवार १२:४६ मा प्रकाशित