काठमाण्डौं । धितोपत्र बोर्डमा एक वाणिज्य बैंक सहित तीन कम्पनीले हकप्रद सेयर निष्कासनको लागि आवेदन दर्ता गराएका छन् । सिद्धार्थ बैंक, एनएमबी माइक्रो फाइनान्स र मितेरी डेभलपमेण्ट बैंकले सेयर निस्कासनका लागि धितोपत्र बोर्डसँग अनुमति मागेका हुन् ।
सिद्धार्थ बैंकले आफ्ना सेयर धनीलाई पच्चिस प्रतिशत हकप्रद निष्काशनको प्रस्ताव लगेको छ । बैंकले ७५ करोड ५५ लाख रुपैयाँ बराबरको ७५ लाख ५५ हजार १ सय ९३ कित्ता हकप्रद सेयर जारी गर्ने भएको छ । विजनेश युनिभर्सलाई गाभेको बैंकको ३ अर्ब ३ करोड चुक्तापूँजी रहेको छ । हकप्रद निष्काशन पश्चात बैंकको पूँजी ३ अर्ब ८० करोड हाराहारी पुग्नेछ । बैंकको सेयर निष्काशन तथा बिक्री प्रबन्धकमा लक्ष्मी क्यापिटल रहेको छ ।
यस्तै, एनएमबी माइक्रो फाइनान्सले ५ करोड ५२ लाख रुपैयाँ बराबरको ५ लाख ५२ हजार कित्ता सेयर निष्काशन गर्ने भएको छ । कम्पनीले एकसय बिस प्रतिशत हकप्रद सेयर निष्काशनको लागि आवेदन दिएको हो । यो कम्पनीको पनि सेयर निष्काशन तथा बिक्री प्रबन्धकमा लक्ष्मी क्यापिटल रहेको छ ।
त्यसैगरी, मितेरी डेभलपेमन्ट बैंकले पचास प्रतिशत हकप्रद सेयर निष्काशन गर्ने भएको छ । मितेरीले १० करोड ५६ लाखरुपैयाँ बराबरको १० लाख ५६ हजार ३६९ कित्ता हकप्रद निष्कासनको अनुमति मागेको छ । मितेरीको सेयर निष्काशन तथा बिक्री प्रबन्धकमा ग्रोमर मर्चेन्ट बैंकर रहेको छ ।
१२ साउन २०७३, १०।००
वि.सं.२०७३ साउन १२ बुधवार १०:४८ मा प्रकाशित