काठमाण्डौं । नेशनल माईक्रोफाईनान्सको तीन लाख कित्ता साधारण सेयर सर्बसाधारण लगानीकर्तामा बिक्रीका लागि आज आईतबारदेखि आबेदन खुला भएको छ । यो सेयरको साउन १९ गते आबेदन बन्द हुने कम्पनीले जनाएको छ । यसका लागि अनिवार्य रुपमा डिम्याट खाता हुनेपर्ने छ ।
सर्बसाधारणले ५० कित्ता देखि १० हजार कित्तासम्म प्रति कित्ताको एक सय रुपैयाँ बराबरको रकम बुझाई आबेदन गर्नसक्ने भएका छन् । यस कम्पनीको सेयर निश्काशनकर्ता तथा बिक्री प्रबन्धक मा एनआईबीएल क्यापिटल रहेको छ ।
आबेदन पत्र ईन्भेष्टमेन्ट बैंक, नेशनल माईक्रोफाईनान्सका शाखा कार्यालयहरु, सिनर्जी फाईनान्स, गोर्खाज फाईनान्स र साझा बिकास बैंकका शाखा कार्यालयहरुबाट प्राप्त गरी रकमसहित बुझाउन सकिने जनाईएको छ । धादिङमा कार्यालय रहेको राष्ट्रियस्तरको नेशनल माईक्रोफाईनान्सले आफ्नो १० करोड चुक्ता पूँजी मध्ये ३० प्रतिशत अर्थात तीन लाख कित्ता सर्बसाधारणमा जारी गर्न लागेको हो ।
१६ साउन २०७३, ११।००
वि.सं.२०७३ साउन १६ आइतवार ११:३४ मा प्रकाशित