काठमाण्डौं । नेपाल टेलिकमको प्रबन्ध निर्देशकका लागि कम्पनी भित्रका ९ सहित १३ जनाले आवेदन दिएका छन्। प्रतिस्पर्धात्मक प्रणालीबाट टेलिकम प्रमुख छनोट गर्न प्रस्ताव आह्वान गरिएको हिजो आइतबार अन्तिम दिन हो।
यी १३ जनामध्ये ६ जना सर्ट लिस्टेड हुने कम्पनीले जनाएको छ । त्यसपछि सो सूचीमा परेकासँग भने सिइओ छनौट समितिले अन्तर्वार्ता लिने छ। त्यसपछि तीन जनाको नाम समितिले मन्त्रिपरिषद्मा पठाउने छ।
सो पदका लागि आवेदन दिनेमा हालका प्रबन्ध निर्देशक बुद्ध्रिप्रसाद आचार्यसहित टेलिकमकी नायब प्रबन्ध निर्देशक कामिनी राजभण्डारी, कम्पनी सचिव गोकर्णप्रसाद सिटौला, मानव संसाधन प्रमुख रवीन्द्र झा, प्रबन्धकहरू मचुतानन्द वैद्य, सुनिलकुमार पोखरेल, प्रतिमा प्रधान, राजुबाबु अर्याल र गुणकेशरी प्रधान रहेका छन्। यसैगरी दीपकराज जोशी, अनिलकुमार झा, मदन खरेल र नगेन्द्र झाले पनि टेलिकम प्रमुखका लागि आवेदन दिएका छन्।
सिफारिस समितिले गत असार२५ मा २१ दिने म्यादसहित टेलिकम प्रमुखका लागि आवेदन आह्वान गरेको थियो। वर्तमान प्रबन्ध निर्देशक बुद्धिप्रसाद आचार्यको कार्यकाल आगामी भदौ २० मा सकिने भएकाले सरकारले नयाँ प्रबन्ध निर्देशकको खोजी सुरु गरेको हो।
१७ साउन २०७३, ९।००
वि.सं.२०७३ साउन १७ सोमवार ११:५९ मा प्रकाशित