काठमाण्डौं । सेयर बजार दोस्रो दिन पनि दोहोरो अंकले घटेको छ । बजार १७.३५ अंकले घटेर १८४५ अंकमा ओर्लिएको छ । दिनभरीमा बैंकिङ १६.४४ अंक, विकास बैंक ३२.४३ अंक र फाइनान्स डेढ अंकले घटेको छ । बिमा पनि ६४ अंकले घटेको छ ।
होटल बाहेकका सबै सुचक ओरालो लाग्दा बजार रातो भएको हो । सबैभन्दा बढी आज बिमा ६४ र उत्पादनमूलक साढे ४२ अंकले ओर्लिएको छ । जलविद्युत पनि २५ अंकले झरेको छ ।
दिनभरीमा बजारमा १४० कम्पनीको सेयर कारोबार भएको छ । कुल एक अर्ब ८४ करोड ९२ लाख रुपैयाँको सेयर कारोबार भएको छ । कुल ५१ लाख १५ हजार ४२० कित्ता सेयर किनबेच भएको छ ।
१७ साउन २०७३, ४.००
वि.सं.२०७३ साउन १७ सोमवार १६:२० मा प्रकाशित
