काठमाण्डौं । सेञ्चुरी कमर्सियल बैंकले भदौ ५ गतेबाट हकप्रद सेयर जारी गर्ने भएको छ । बैंकले कुल ८५ करोड रुपैयाँ बराबरको हकदप्रद सेयर जारी गर्न लागेको हो ।
बैंकले आफ्ना सेयर लगानीकर्तालाई १० सेयर बराबर तीन हकप्रद दिन लागेको हो । यस अनुसार बैंकले १०० रुपैयाँ अंकित दरका ८५ लाख २२ हजार ४०० कित्ता हकप्रद सेयर निस्कासन गर्नेछ । सर्वसाधारणमा ४६ प्रतिशत सेयर रहेको बैंकको हकप्रद जारीपछि पुँजी ८५ करोड २२ लाख रुपैयाँले बढ्ने छ ।
बैंकको सेयर निस्कासन तथा बिक्री प्रबन्धकमा सिभिल क्यापिटल छ । हकप्रद आवेदन सिभिल क्यापिटल र बैंकका शाखामा गएर दिन सकिन्छ ।
१९ साउन २०७३, १०।००
वि.सं.२०७३ साउन १९ बुधवार ११:०१ मा प्रकाशित