जाजरकोट । नयाँ भाडादरको विपक्षमा रहेका यातायात व्यबसायीको यहाँ आज यातायात बन्द गरेका छन् । उक्त क्षेत्रमा भेरीगंगा यातायात, भेरीराप्ती यातायात , मध्यपश्चिम यातायात लगाएत नौ वटा व्यबसायी समितिका बसहरु सञ्चालनमा आइरहेका छन् ।
गत साउन ४ गते यातायात व्यवस्था बिभागले गरेको नयाँ भाडादरको बिषयलाई लिएर यातायात व्यबासायीहरु आन्दोलनमा उत्रिएका हुन् । उनीहरुले नयाँ भाडदरले व्यवसायी मर्कामा परेको बताएका छन् ।
नयाँ भाडादर अनुसार प्रति किलोमीटर २।५० पैसा निर्धारण गरिएको छ । नयाँ भाडादर अनुसार जाजरकोट देखि सल्लिबजार ६२ किलोमिटर १८६ , जाजरकोट देखि नेपालगन्ज १८८ किलोमिटरमा ४६४ ,र जाजरकोट देखि काठमाडौं ६८५ किलोमिटरमा १३६६ रुपैयाँ कायम गरिएको छ । यसअघि व्यवसायीले जाजरकोट देखि नेपालगन्ज ९०० देखि १००० सम्म र जाजरकोट देखि काठमाडौं १८०० देखि २५०० सम्म भाडा लिने गरेका थिए ।
यातायात व्यबासायीको बन्दको कारण जाजरकोट देखि सल्यानको सल्ली, सुर्खेत, नेपालगन्ज, काठमाडौंसम्म आवतजावत गर्ने यात्रुहरु मारमा परेका छन् ।
१९ साउन २०७३, १०।००
वि.सं.२०७३ साउन १९ बुधवार १२:०८ मा प्रकाशित
