काठमाण्डौं । प्रधानमन्त्री केपी शर्मा ओली झण्डै साढे ९ महिना बसेको सरकारी निवास बालुवाटार आज बुधबार बिहान छाडेका छन् । उनले प्रधानमन्त्री निवास परिसरमा बुद्धचित्तको विरुवा रोपेर बाहिरिएका हुन् ।
निवासबाट निस्कनु अघि उनले निवासका सुरक्षाकर्मी र कर्मचारीहरुलाई धन्यवाद दिएका थिए । २०७२ असोज २४ गते प्रधानमन्त्री भएका ओली त्यसको ५ दिनपछि भक्तपुरको बालकोटबाट बालुवाटार सरेका थिए ।
उनी बालुवाटारबाट नयाँ बानेश्वरस्थित संसद भवन गएका छन् । त्यही नयाँ प्रधानमन्त्रीको निर्वाचनमा भाग लिएर भक्तपुरको बालकोटस्थित आफ्नो निवास जाने छन् । कुनै साइत नहेरी बालुवाटार सरेका ओली साइतै नहेरी निजी निवास सरेको उनको निजी सचिवालयले जनाएको छ ।
१९ साउन २०७३, १०।००
वि.सं.२०७३ साउन १९ बुधवार १२:२४ मा प्रकाशित