काठमाण्डौं । लोक सेवा आयोगले शाखा अधिकृत पदका लागि लिइएका लिखित परीक्षाको नतिजा सार्वजनिक गरेको छ । आयोगले प्रशाशन, लेखा परीक्षण, र व्यवस्थापिका संसद, परराष्ट्र, न्याय, न्यायकानुन र सरकारी वकिल, समूहका शाखा अधिकृतका लागि लिइएको परीक्षाको नतिजा सार्वजनिक गरेको हो ।
अब लिखित परीक्षा पास भएका उम्मेदवारहरुले अन्तिम चरणको परीक्षाको सामना गर्नेछन् । आयोगले प्रशाशन, लेखा परीक्षण, र व्यवस्थापिका संसद समूहमा ९ सय ९३ जना शाखा अधिकृत माग गरेकोमा अन्तरवार्ता तथा सीप परीक्षणका लागि ५ सय ६८ जना उर्त्तीण भएका छन् ।
यसैगरी १ सय ४१ जना माग भएको न्याय, न्यायकानुन र सरकारी वकिल समूहका अन्तिम चरणको सीप परीक्षणका लागि ५३ जना मात्र छनौट भएका छन् । व्यवस्थापिका संसद समूहमा १ शाखा अधिकृतका लागि अन्तिम चरणमा ३ जनाको प्रतिस्पर्धा हुने भएको छ । परराष्ट्र समूहमा १६ जनाको पदमा २२ जना सीप परीक्षण र अन्तरवार्ताका लागि छनौट भएका छन् ।
न्याय, परराष्ट्र, प्रशासन, लेखापरीक्षण र व्यवस्थापिका संसद समूहका छनौटमा परेका ५ सय ९१ उम्मेदारको सूचना प्रविधि सीप परीक्षण भदौको ६, ८, ११, १२, १४, १६ र १७ गतेका लागि तोकिएको छ ।
२० साउन २०७३, १।००
वि.सं.२०७३ साउन २० बिहीवार १३:५३ मा प्रकाशित
