काठमाण्डौं । आज सेयर बजारले १८ सय नाघेको छ । सूचक बढेर १८०५ अंकसम्म पुगेको थियो भने अन्तिममा भने ३.८८ अंक घटेर कारोबार बन्द भएको छ । आज दिनभरीमा एक अर्ब ५३ करोड रुपैयाँको किनबेच भएको छ ।
होटल, विकास बैंक, फाइनान्स र अन्य सुचक हरियो भएरै बन्द भए । आज बैंकिङ ७.२६ अंकले घट्यो भने बिमा ५८.४ अंकले घटेर बन्द भयो । अन्य सुचक भने करिव १८ अंकले उक्लिएको छ ।
बजारमा एनबी बैंकको ११ करोड ५३ लाख, नेपाल बैंकको १० करोड ७६ लाख र सिद्धार्थ बैंकको १० करोड ६५ लाख रफैयाँको किनबेच भएको छ । एभरेष्ट बैंकको आठ करोड ७४ लाखको कारोबार भएको छ ।
माउन्ट मकालु, किसान माइक्रोफाइनान्स र कन्काइ विकास बैंकको सेयर मूल्य १० प्रतिशतले बढेको छ । ओमी माइक्रोफाइनान्सको ९.६७ प्रतिशतले बढेको छ ।
२३ साउन २०७३, ४।००
वि.सं.२०७३ साउन २३ आइतवार १६:२८ मा प्रकाशित