आविष्कार केन्द्र र १० मेगावाट हाइड्रो पावरबारे पुनले गरे पत्रकार सम्मेलन !

काठमाण्डौं । सामाजिक अभियन्ता महावीर पुनले राष्ट्रिय आविष्कार केन्द्र निर्माणका लागि आफूलाई जनताको साथ मिलेकाले अब सरकारको आशा नगर्ने बताउँदै आजैबाट केन्द्र स्थापनाका लागि ‘महादान अभियान’ सुरु भएको समेत घोषणा गरेका छन्।

आविष्कार केन्द्र र केन्द्रको १० मेगावाट हाइड्रो पावरको योजनाबारे जनमानसमा भ्रम रहेकाले सो चिर्नका लागि आज पत्रकार सम्मेलनको आयोजना गरेका उनले आफूलाई सरकारले ५ करोड सहयोग गर्न लागेकोमा त्यति आफूले नै संकलन गर्न सक्ने बताएको जानकारी दिएका छन् ।

पत्रकार सम्मेलनमा उनले अनुसन्धान केन्द्र स्थापनाको उद्देश्य, योजना र केन्द्रको दर्ता प्रक्रियाका विषयमा जानकारी गराउँदै आफूसँगै बोकेर ल्याएको लालपुर्जा देखाउँदै आफूले जग्गा बेचेर पनि केन्द्रमा लगानी गर्ने आँट राखेको बताए ।

उनले साउन १६ गते फेसबुकमार्फत लालपुर्जा सार्वजनिक गर्दै आफ्नो नाममा रहेको २८ रोपनी जग्गा राष्ट्रिय आविष्कार केन्द्रलाई दान दिएको उल्लेख गरेका थिए।उनले असार २८ गतेबाट सरकारसँग सहयोग नमाग्ने र आफू जनताका साथमा अघि बढ्ने यसअघि नै घोषणा गरिसकेका छन्।

२५ साउन २०७३, २।००

२०७३ साउन २५ गते १७:२५ मा प्रकाशित

You can share this post!

नातिको जीतको उत्सव मनाउँदा हजुरआमाको निधन !

विज्ञले भने ‘अनावश्यक हल्लाले सेयर बजारमा गिरावट’

Related posts