काठमाण्डौं । आइसीसी विश्व क्रिकेट लिग च्याम्पियनसिप क्रिकेटमा नेपालले नेदरल्याण्ड्ससँग प्रतिस्पर्धा गर्दैछ। नेदरल्याण्ड्स र नेपालबीचको खेल नेपाली समय अनुसार दिउँसो पौने चार बजेबाट सुरु हुनेछ।
नेदरल्याण्ड्स १० अंकका साथ शीर्ष स्थानमा रहेको छ भने नेपाल ४ अंकका साथ छैठौ स्थानमा छ। नेपालले तीन राष्ट्रसँग खेलेका ६ खेलमध्ये चार खेल गुमाएको थियो भने दुई खेलमा विजयी भएको थियो।
नेपाल घरेलु मैदानमा भएको खेलमा नामिबियालाई दुवै खेलमा पराजित गरेको थियो। नेपाल स्कटल्याण्ड र पपुवा न्युगिनीसँग भने चारै खेलमा पराजित भएको थियो।
नेदरल्याण्ड्सविरुद्धको खेल नेपालका लागि निकै महत्वपूर्ण छ। अघिल्ला चार खेलमा जित हात पारेको घरेलु टोली नेदरल्याण्ड्स बलियो टोली हो।
विश्व क्रिकेट लिग डिभिजन दुईको खेलमा नेपालले नेदरल्याण्ड्समाथि दुई विकेटको जित हात पारेको थियो।
प्रकाशितः २०७३ साउन २९
वि.सं.२०७३ साउन २९ शनिवार ११:१९ मा प्रकाशित
