काठमाण्डौं । यो साता नेपाल स्टक एक्सचेन्जमा ६ अर्ब ५ करोड ६६ लाख २१ हजार ६ सय २६ रुपैयाँको सेयर कारोबार भएको छ । कारोबार रकम गत साताको तुलनामा घटेको हो ।
गत साता ७ अर्ब ८० करोडभन्दा बढीको सेयर कारोबार भएको थियो ।त्यसैगरी कारोबार रकमका आधारमा यो साता कारोबार रकम नेपाल बंगलादेश बैंक लि. अग्रस्थानमा रह्यो, जसको ४७ करोड ५२ लाख ६० हजार रुपैयाँ बराबरको सेयर कारोबार भएको छ ।
त्यसैगरी नेपाल बैंक लिमिटेडको ४३ करोड ३ लाख रुपैंया, सिद्धार्थ बैंकको ३४ करोड ९० लाख रुपैंया, एभरेष्ट बैंकको २३ करोड र नेपाल इनभेष्मेन्ट बैंकको २१ करोड रुपैंया बराबरको सेयर खरिदबिक्री भएका छन् ।
त्यसैगरी साताभर ५ दिनको कारोबार भएको सेयर संख्याको आधारमा लथ्मी भ्यालु फण्ड अग्रस्थानमा रहेको छ, जसको २० लाख ७० हजार कित्ता शेयर खरिदबिक्री भएको छ । त्यसैगरी कारोबार संख्याको आधारमा २ हजार १८१ वटा नेपाल इनभेष्टमेन्ट बैंक लिमिटेड अग्रस्थानमा रहेको छ ।
प्रकाशितः २०७३ साउन २९
वि.सं.२०७३ साउन २९ शनिवार १५:५५ मा प्रकाशित