काठमाडौ । चाबहिलस्थित केएल टावरमा गत शुक्रबारदेखि सुरु भएको बिग सेल कार्निभलमा छुटको सामान किन्नेहरुको घुईचो लाग्न थालेको छ । नजिकिदो चाडपर्वलाई लक्षित गर्दे मलले ५० प्रतिशत सम्म छुटमा सामान उपलब्ध गराएपछि सामान किन्नेको घुइचो बढेको हो ।
मलमा लत्ताकपडा, जुत्ता, चम्पल, घडी, ब्याग कस्मेटिक लगायतका सामानमा ५० प्रतिशतसम्म छुट दिइएको र विभिन्न आर्कषक उपहार समेत जित्न सकिनेछ । एक महिनासम्म चल्ने कार्निभलमा विभिन्न सांगितिक कार्यक्रम, फेशन सो, गेम सो, फ्रि नेल आर्ट तथा निःशुल्क फेस पेण्टिङ लगायतका कार्यक्रम रहेको संयोजक हिरामणी तिमल्सीनाले बताए ।
टावरमा पुरुषका लागि ब्राण्डेड लुगा, सर्टिङ सुटिङ, महिलाहरूका लागि गरगहना तथा बुटिक र बालबालिकाका लागि खेलौनाका पसल र विभिन्न ब्राण्डका इलेक्ट्रोनिक्स सामानका पसल रहेका छन् । साथै, डिपार्टमेण्टल स्टोर, मल्टिप्लेक्स, फूड कोर्ट र बलिङ एण्ड गेम जोन समेत संचालनमा छन् ।
मलले शनिबार गायक सबिन राई लगायत समूहको साँगितिक प्रस्तुतीमार्फत ग्राहकलाई बढिभन्दा बढि मनोरञ्जन प्रदान गर्न लागि परेको छ ।
वि.सं.२०७३ भदौ ३ शुक्रवार १८:१० मा प्रकाशित
