काठमाण्डौं । नेपाल स्टक एक्सचेञ्च (नेप्से)ले नेप्सेमा सूचिकरण भएका कम्पनीलाई समयमै सूचिकरण नविकरण शुल्क बुझाउन आग्रह गरेको छ ।
आज एक सूचना जारी गर्दै नेप्सेले सूचिकृत कम्पनीलाई नविकरण शुल्क ग्लोबल आइएमई बैंकमा रहेको नेप्सेको खातामा जम्मा गर्न भनेको छ । नेप्सेले धितोपत्र कारोबार नियमावलि बमोजिम सूचिकरण नविकरण शुल्क असोज मसान्तसम्ममा बुझाउनुपर्ने व्यवस्था रहेको जानकारी गराउदै समयभित्रै नविकरण नगराउने कम्पनीको शेयर कारोबार स्थगन गर्ने चेतावनि समेत दिएको छ ।
धितोपत्र कारोबार नियमावलि अनुसार एक करोड रुपैयाँसम्म चुक्तापूँजी भएका कम्पनीले १५ हजार, एक करोडदेखि ५ करोडसम्म पूँजी भएकाले २५ हजार, ५ करोड देखि १० करोडसम्म भएकाले ३० करोड र १० करोड माथि पूँजी भएकाले ५० हजार रुपैयाँ सूचिकरण नविकरण शुल्क बुझाउनुपर्ने व्यवस्था रहेको छ ।
७ भदौ २०७३, १।००
वि.सं.२०७३ भदौ ७ मंगलवार १४:०३ मा प्रकाशित