काठमाण्डौं । सिटिजन्स बैंक इन्टरनेशनल लिमिटेडमा जागीर खुलेको छ । बैंकले उपत्यका बाहिरका शाखाहरुका लागि शाखा व्यवस्थापक माग गरेको हो । आवश्यक योग्यता पुगेका, इच्छुक र लगनशीलका साथै व्यवस्थापन संकायमा स्नातक उतीर्ण गरेको, अग्रेजी लेखन र बोलीमा पोख्त, माइक्रोसफ्ट अफिसमा नेपाली र अंग्रेजी दुबै टाइपिङ जानेको नेपाली नागरिकलाई १८ सेप्टेम्बर अर्थात असोज २ गते साँझ ५ बजेभित्रमा
बैंकले वीरगञ्जका लागि एसिस्टेन्ट मेनेजर अथवा सिनियर अफिसर एक जना मागेको छ । जसका लागि वाणिज्य बैंकमा सोही पद या एक तह तल्लो पदमा रहेर कम्तीमा सात वर्ष काम गरेको र क्रेडिट तथा ब्रान्च अपरेसनका बारेमा राम्रो ज्ञान भएको हुनुपर्नेछ ।
त्यस्तै, बैंकले नेपालगञ्ज र नारायणघाटका लागि दुई जना सिनियर अफिसर वा अफिसर माग गरेको छ । यसका लागि वाणिज्य बैंकमा सोही पद या एक तह तल्लो पदमा रहेर ५ वर्ष काम गरेको हुनुपर्नेछ । साथै, क्रेडिट र ब्रान्च अपरेसनका बारेमा राम्रो ज्ञान भएको हुनुपर्नेछ ।
त्यसैगरी, बागलुङ, महेन्द्रनगर, बेनी, गौशला(महोत्तरी), कोल्बी, पथलैया र गाइघाटका लागि बैंकले सात जना अफिसर वा जुनियर अफिसर माग गरेको छ । सो पदका लागि वाणिज्य बैंकमा सोही पद वा एक तह तल्लो पदमा रहेर ५ वर्ष काम गरेको र क्रेडिट तथा ब्रान्च अपरेसनबारे राम्रो ज्ञान भएका नेपाली नागरिकलाई दरखास्त दिन आह्वान गरिएको छ ।
अनलाइन फर्म भर्दा आफूले काम गर्न चाहेको ब्रान्चको नामसमेत खुलाउन आग्रह गरिएको छ । स्थानीयलाई प्राथमिकता दिइने बैंकले जनाएको छ ।
प्रकाशितः २०७३ भदौ २२
वि.सं.२०७३ भदौ २२ बुधवार १०:४४ मा प्रकाशित