काठमाण्डौं । जर्मनीकी एन्जेलिक कार्बरले वर्षको अन्तिम ग्रान्ड स्लाम युएस ओपनको यस वर्षको उपाधि जितेकी छिन्।
२८ वर्षिय कार्बरले न्युयोर्कमा शनिवार राती सम्पन्न महिलातर्फको फाइनलमा चेक रिपब्लिककी कारोलिना प्लिसकोभालाई ६–३, ४–६ र ६–४ लामो सेटमा पराजित गरिन्। उनी २० वर्षपछि युएस ओपन जित्ने जर्मनी महिला खेलाडी बन्न पुगेकी छिन्। सन् १९९६ मा अन्तिम पल्ट स्टेफी ग्राफले युएस ओपनको उपाधि जितेकी थिइन्।
यस वर्षको जनवरीमा वर्षको पहिलो ग्रान्ड स्लाम अस्ट्रेलियन ओपनको उपाधि पनि जितेकी कार्बर शनिवारको नतिजापछि महिला वरियताको शीर्षस्थानमा पुग्ने सम्भावना बढेको छ।
२६ भदौ २०७३, ४।००
वि.सं.२०७३ भदौ २६ आइतवार १६:५२ मा प्रकाशित
