भक्तपुर, २६ भदौ । संस्कृति, पर्यटन तथा नागरिक उड्डयन मन्त्री जीवनबहादुर शाहीले संस्कृतिको जगेर्ना नगरी पर्यटनको विकास नहुने बताएसफ छन्।
नगदेश सांस्कृतिक पुचः ले आज यहाँ आयोजना गरेको महाकाली नाचका कलाकार एवम् सहयोगीलाई अभिनन्दन कार्यक्रममा मन्त्री शाहीले परम्परागत नाच, कला र संस्कृति जोगाउन सके मात्रै पर्यटकको आगमनमा वृद्धि हुने बताएक हुँ ।
कार्यक्रममा मन्त्री शाहीले महाकाली नाचका कलाकार एवम् नाच सञ्चालनमा सहयोग गर्ने व्यक्ति तथा संस्थालाई ताम्रपत्रसहित दोसल्ला ओढाएर सम्मान गरेका थिए ।
सो अवसरमा संस्कृतविद् सत्यमोहन जोशीले कला, संस्कृति जोगाउन युवा पुस्ता अगाडि बढ्नुपर्नेमा जोड दिए ।
कार्यक्रममा पुचः का सचिव विनोद कोजू, कोषाध्यक्ष कृष्णबहादुर धजुँ, योगेन्द्रकुमार दुवाल, भक्तबहादुर धजँुलगायतले संस्कृति जोगाउन सबै लाग्नुपर्ने बताए । महाकाली नाचको संरक्षण एवम् निरन्तरताका लागि सञ्चालनमा ल्याइएको अक्षयकोषमा रु छ लाख ५० हजार ६०२ सङ्कलन भएको सो अवसरमा जानकारी दिइयो ।
वि.सं.२०७३ भदौ २७ सोमवार ०८:१७ मा प्रकाशित