कृषि विकास मन्त्रालय भन्छ, भारी वर्षाले जोगियो देशकै १४ अर्ब रुपैयाँ !

काठमाण्डौं । कृषि विकास मन्त्रालयले यस वर्ष देशभर ९७ प्रतिशत धानखेती भएको जनाएको छ । मन्त्रालयका प्रवक्ता योगेन्द्रकुमार कार्कीका अनुसार गत वर्ष ८७ प्रतिशत मात्र खेती भएकामा यस वर्ष १० प्रतिशतले खेती वृद्धि भएको हो ।

धानखेती वृद्धि भएका कारण यस वर्ष उत्पदानमा समेत वृद्धि हुनेछ । गत वर्ष करिब ४३ लाख मेट्रिक टन फलेकामा यस वर्ष ५० लाख मेट्रिक टन धान फल्ने प्रक्षेपण गरिएको छ । मन्त्रालयले गरेको प्रक्षेपणअनुसार अहिले वृद्धि हुने धान उत्पादनले करिब रु १४ अर्बको आयात ९घट्ने० छ ।

प्रवक्ता कार्कीका अनुसार हिमाली तथा पहाडी भेगमा पनि धानको उपभोग बढेकाले त्यहाँ उत्पादन हुने आलु, कोदो, फापरलगायत वस्तुलाई स्थानीय तहमा खपत गर्न सकिएमा धानको उत्पादनले राष्ट्रको माग पूरा गर्न सकिने छ ।

झापालाई धान उत्पादनको विशेष क्षेत्रका रुपमा लिइएको छ । देशको मागलाई पूरा गर्न करिब ५५ लाख मेट्रिक टन धान उत्पादन हुन आवश्यक रहेकाले यस वर्ष पनि करिब पाँच लाख मेट्रिक टन धान आयात गर्नुपर्ने देखिन्छ । गएको वर्ष मुलुकको मागभन्दा करिब १२ मेट्रिक टन धान कम उत्पादन भएपछि रु २४ अर्बको धान आयात गरिएकामा यस वर्ष मुलुकको माग धान्न करिब रु १० अर्बको धान आयात गर्नुपर्नेछ ।

२८ भदौ २०७३, ८।००

२०७३ भदौ २८ गते ०६:५७ मा प्रकाशित

You can share this post!

काठमाडौं महानगरपालिकाले माग्यो ७० अधिकृत

यातायात व्यवस्था ऐन परिवर्तन : अब लाइसेन्स लिन लिखित परीक्षा दिनु नपर्ने !

Related posts