काठमाण्डौं । दशैंका लागि असोज ७ गतेदेखि बसको टिकट बुकिङ खुल्ने भएको छ । नयाँ बसपार्क र पुरानो बसपार्क गरि १२ वटा स्थानबाट टिकट बुकिङ गरिने व्यवसायीले जानकारी दिएका छन्।
आइतबार यातायात व्यवस्थापन विभागमा महानिर्देशकको संयोजकत्वमा व्यवसायी, उपभोक्ता, प्रहरी, सडक विभाग लगायतका प्रतिनिधि सम्मिलित बैठकले असोज ७ गतेदेखि अग्रिम बुकिङ खोल्ने सहमति गरेका हुन् । यसका साथै विभागले अस्थाई रुट परमिट दिने निर्णय पनि गरेको छ ।
उपत्यकाका १२ वटा स्थान र तराई तथा पहाडी भेगका १० वटा स्थानमा अग्रिम बुकिङका लागि टिकट काउण्टरको व्यवस्था गरेको छ । दसैंमा उपत्यकाका ७० प्रतिशत मानिसहरु बाहिरिने गरेका छन् । फुलपातीदेखि अष्टमीसम्म दैनिक तीन हजारका दरले यात्रुबाहक बस काठमाडौं बाहिरिने गरेको विभागले जनाएकोछ ।
त्यस्तै, गाडी भाडाको विषयमा नयाँ मापदण्ड समेत बनाइएको छ। सामान्य गाडीभन्दा डिलक्समा २० प्रतिशत र डिलक्सभन्दा सुपर डिलक्समा २० प्रतिशत बढी भाडा लिन नपाइने निर्णय भएको छ ।
३ असोज २०७३, ११।००
वि.सं.२०७३ असोज ३ सोमवार १२:०२ मा प्रकाशित