काठमाण्डौं । गुहेश्वरी मर्चेन्ट बैंकिङ एण्ड फाइनान्सले असोज २१ गतेदेखि हकप्रद सेयर निष्काशन गर्ने भएको छ । कम्पनीले १०० रुपैयाँ अंकित दरका १४ लाख ६८ हजार ६९७ कित्ता सेयर जारी गर्न लागेको हो ।
यो सेयर पनि कात्तिक २५ गतेसम्म भर्न पाइन्छ । कम्पनीले चुक्ता पुँजी २९ करोड ३७ लाख रुपैयाँ बराबरको ५० प्रतिशत सेयर जारी गर्न लागेको हो । मुक्तिनाथ विकास बैंकले पनि असोज २१ गतेदेखि नै हकप्रद सेयर निष्काशन गर्ने भएको छ । बैंकले १०० रुपैयाँ अंकित दरका ४१ लाख ९२ हजार १६३ कित्ता हकप्रद सेयर जारी गर्न लागेको हो । कम्पनीले चुक्ता पुँजी ८३ करोड ८४ लाख रुपैयाँको ५० प्रतिशत हकप्रद सेयर निष्काशन गर्न लागेको हो ।
भदौ २९ गतेसम्म नेपाल स्टक एक्सचेन्जमा कारोबार भइ कायम सेयरधनीले यो सेयरका लागि आवेदन दिन पाउँछन् । सेयर भर्ने अन्तिम मिति कात्तिक २५ गतेसम्म तोकिएको छ । दुबै कम्पनीको सेयर निष्काशन तथा बिक्री प्रबन्धकमा एनआइबिएल क्यापिटल रहेको छ । प्रकाशितः २०७३ असोन ४
वि.सं.२०७३ असोज ४ मंगलवार १५:४९ मा प्रकाशित
