काठमाण्डौं। सरकारले नेपाल टेलिकमको प्रवन्ध निर्देशकमा कामिनी राजभण्डारीलाई नियुक्त गरेको छ। मन्त्रीपरिषदको हिजो बिहीबार बसेको बैठकले टेलिकममै नायब प्रबन्ध निर्देशक उनलाई सो पदमा नियुक्त गरेको हो।
सरकारले खुला प्रतिस्पर्धाबाट नेपाल टेलिकमको प्रबन्ध निर्देशक छनोटका लागि आवेदन गरेको थियो। प्रवन्ध निर्देशक छनौटका लागि गठन गरेको सिफारिस समितिले आवेदकमध्येबाट तीन जनाको नाम छनौंट भएको थियो। कामिनीका अन्तिम प्रतिश्पर्धीमा मदन खरेल र सुनिल कुमारी पोखरेल थिए।
नेपाल टेलिकममा तीस बर्षको अनुभव रहेकी कामिनीले भारतको पञ्जाव इन्जिनियरिङ युनिभर्सिटीबाट टेलिकम्युनिकेसनमा बिई गरेकी छिन्। त्यस्तै उनले थाइल्याण्डको एसियन इन्स्टिच्युट अफ टेक्नोलोजीवाट एमबिए पनि गरेकी छिन्।
तीन महिना अगाडी उनले नेपाल इन्जिनियर्स एसोसियसनबाट “आउटस्ट्यान्डिङ वुमन इन्जिनियर्स अवार्ड” पाएकी थिइन्। ५४ औँ इन्जिनियर्स डे का दिन साउन तीन गते तात्कालिन प्रधानमन्त्री केपी ओलीले उनलाई सम्मान गरेका थिए।
सरकारले गत असार २५ मा प्रतिस्पर्धाका आधारमा टेलिकम प्रमुख माग गरेको थियो। त्यसमा नेपाल टेलिकम भित्रवाट नौ जना र बहिरवाट चार जनाले आवेदन दिएका थिए।
७ असोज २०७३, ९।००
वि.सं.२०७३ असोज ७ शुक्रवार ०९:०१ मा प्रकाशित
