हरिशरण न्यौपाने, काठमाडौ । ‘सबैका लागि पर्यटन,सबैको पहुँचको सुनिश्चिता’ भन्ने नारासहित मंगलबार एकैसाथ विश्वभर पर्यटन दिवस मनाइयो । नेपालमा पनि प्रभातफेरी सहित बिबिध कार्यक्रम गरि कार्यक्रम मनाईयो ।
संस्कृति पर्यटन तथा नागरिक उड्डयन मन्त्रालय, नेपाल पर्यटन बोर्ड, पर्यटन विभाग लगायत नीजि व्यवसायीक संघ संस्थाहरु, प्रहरी, संचारकर्मी लगायतको सहभागीतामा प्रभातफेरी कार्यक्रम भयो ।
काठमाडौको ठमेलबाट सुरु भएको प्रभातफेरी वसन्तपुर, न्यूरोड, रत्नपार्क हुँदै पर्यटन बोर्डमा पुगेर समापन कार्यक्रम गरिएको थियो ।
सहभागीहरुले समृद्धिको आधार पर्यटनको विकासमा जोड दिएका थिए ।
बिच–बिचमा बिदेशी पर्यटकहरुलाई सम्मान पनि गरिएको थियो ।
नेपाल पर्यटन बोर्डको प्राङगणमा एक कार्यक्रमका बीच पर्यटन क्षेत्रका महत्वपूर्ण योगदान पुर्याउनुहुने व्यक्ति एवं संस्थाहरुलाई सम्मान गरिएको थियो ।
साथै रक्तदान कार्यक्रमको पनि आयोजना भएको थियो ।
सोही अवसरमा कृतिमानी धावक बैकुण्ठमान मानन्धरलाई नेपाल पर्यटन बोर्डले गुडविल एम्ब्यास्डरको रुपमा नियुक्त गरेको छ ।
प्रकाशित मितिः २०७३ असोज ११
वि.सं.२०७३ असोज ११ मंगलवार १७:४३ मा प्रकाशित
