काठमाडौ। बचाउ बचाउ भन्दै वरिपरि घाइतेहरु छटपटिँदै चिच्याइरहेका थिए । कतिपय पल्टिदाँ पल्टिदै आतिएर मरिसकेका रहेछन् । शवहरु पनि यत्रतत्र छरिएका थिए । हामीले ५/६ जनालाई च्यापिएको अवस्थाबाट निकाल्यौं । कतिपयलाई पानी खुवाउँ पनि भनियो । तर आतिएकालाई पानी खुवाउन हुन्न भन्यौं । मानिसका शरिरहरु टुक्रा–टुक्रा भएका छन् । घटनालाई नियाल्दा अवस्था हृदयविदारक छ । तर पनि सकेसम्म बचाउनै पर्यो । दुर्घटना भए लगतै घटनास्थल पुगेर उद्धार कार्यमा जुट्नुभएका स्थानीय गीता थापा मगरले बताईन् ।
सानो संख्यामा रहेको प्रहरी टोलीले उद्धार कार्यलाई जारी राख्यो । अहिले १० जना घाईतेलाई हेलिकप्टरबाट काठमाडौ त्रिवि शिक्षण अस्पताल पुर्याईएको छ ।
सदरमुकाम धादिङबेसीबाट डाक्टर सहितको प्रहरीको टोली घटनास्थलमा पुगेको छ । अझैपनि बसमा च्यापिकएकाहरुलाई निकाल्न सकिएको छैन । थप प्रहरी बलले उद्धार कार्यलाई अगाडि बढाएको उनले बताइन् ।
घुम्तीमा धेरै भार खेप्न नसकेर बस दुर्घटना भएको उनले बताईन् ।
देख्दाखेरी १७ जनाको लास देखियो । भनाई अनुसार करिब ५० जनाले बसमा यात्रा गरिरहेको उनले बताईन् ।
प्रकाशित मितिः २०७३ असोज ११
वि.सं.२०७३ असोज ११ मंगलवार १६:३१ मा प्रकाशित
