काठमाण्डौं । सेयर बजारमा लगातार गिरावट आइरहेकोछ । आज बुधबार पनि सेयर बजार ४.६२ अंकले झरेको छ । सूचकका साथसाथै बजारमा कारोबार रकमसमेत झरेको छ ।
दिनभरीमा १३६ कम्पनीका ७५ करोड ३४ लाख रुपैयाँको सेयर किनबेच भएको छ । बजार ओर्लिए पनि उत्पादनमूलक र अन्य सुचक भने उक्लिएको छ । उत्पादनमूलक ११ अंक र अन्य समूह आधा अंकले उक्लिएको हो ।
आज बुधबार बोनस सेयर घोषणा गरेको नेशनल लाइफ इन्स्योरेन्सको सेयरमा लगानीकर्ता ओइरिएका छन् । कम्पनीको ११ करोड ९३ लाख रुपैयाँको सेयर किनबेच भएको छ । आजै सेयर कारोबार फुकुवा भएपछि ज्योती विकास बैंकको सेयर मूल्य करिव १० प्रतिशत हाराहारीले बढेको छ ।
१२ असोज २०७३, ३।३०
वि.सं.२०७३ असोज १२ बुधवार १५:५२ मा प्रकाशित
