काठमाण्डौं । अरनिको डेभलपमेन्ट बैंकले आगामि कात्तिक ८ गतेबाट ३६ प्रतिशत हकप्रद सेयरको बिक्री खुला गर्ने भएको छ । बैंकले प्रतिकित्ता एक सय रुपैयाँ अंकित दरको नौ लाख २८ हजार कित्ता सेयर कात्तिक ८ गतेबाट निष्कासन गर्ने भएको छ ।
असोज २८ गतेसम्म कायम बैंकका सेयरधनीले १० कित्ता सेयर बराबार ३ दशमलव ६ कित्ता हकप्रद लागि आवेदन दिन पाउनेछन् । बैंकले असोज २९ गते सेयरधनी दर्ता पूस्तिका बन्द गर्देछ ।
यो विकास बैंकले हकप्रद बिक्री गरेर बैंकले ९ करोड २८ लाख १९ हजार ३४ रुपैयाँ पूँजी थप्नेछ । हाल बैंकको २५ करोड ७८ लाख ३० हजार ६५० रुपैयाँको चुत्ता पूँजी रहेको छ । हकप्रद निष्काशन पश्चात बैंकको चुक्ता पूँजी ३५ करोड १० लाख रुपैंयाको हाराहारीमा पुग्नेछ । बैंकको सेयर निष्काशन तथा बिक्री प्रबन्धकमा सिद्धार्थ क्यापिटल रहेको छ ।
१९ असोज २०७३, २।००
वि.सं.२०७३ असोज १९ बुधवार १४:३१ मा प्रकाशित