काठमाडौँ । बरिष्ठ उपाध्यक्षलार्इ स्वत: अध्यक्ष बनाउने प्रावधानसहित विधान संशोधन गर्न विहिवारका लागि डाकिएको उद्योग वाणिज्य महासंघको साधारण सभा अनिश्चित बनेको छ । साधारणसभा स्थगित गर्न माग सहित उच्च अदालत पाटनमा परेको रिटमा न्यायाधिश भीमकुमार ओझाको इजलासले साधारण सभा प्रकृया तत्कालका लागि यथास्थितीमा राख्न अन्तरिम आदेश जारी गरेको हो।
महासंघका पुर्व वरिष्ठ उपाध्यक्ष भाष्करराज राजकर्णिकार र कार्यकारी सदस्य गोविन्दराज घिमिरेले महासंघको विधान विशेष साधारणसभाबाट संशोधन गर्न नमिल्ने जिकिर गर्दै जिल्ला प्रशासन कार्यालय, महासंघ कार्यसमितिसहित पाँच जनालार्इ विपक्षी बनार्इ रिट दायर गरेका थिए। विधान संशोधन साधारणसभाबाट गर्न मिल्ने व्यवस्था रहेको दावी सहित विशेष साधारणसभा रोक्न उनीहरुले माग गरेका थिए।
यो विषयमा बुझ्न अदालतले बुधवार दुबै पक्षलार्इ बोलाएको छ। दुबै पक्षको धारणा बुझेर अदालतले विशेष साधारणसभालार्इ स्थगित वा निरन्तरताको निर्णय बुधबारनै गर्नसक्छ।
विधान संशोधन हुँदा अध्यक्ष उम्मेदवार बन्ने बाटो भाष्करका लागि बन्द हुन्थ्यो। उनी आगामी साधारणसभामा अध्यक्ष लड्ने तयारीमा छन्। बरिष्ठ उपाध्यक्ष स्वतः अध्यक्ष बन्ने प्रावधान लागु भए भवानी राणा महासंघको नेतृत्वमा पुग्नेछिन्।
२ कार्तिक २०७३
वि.सं.२०७३ कात्तिक २ मंगलवार १६:३३ मा प्रकाशित
