काठमाडौ । सोसाईटी अफ ट्राभल एण्ड टूर अपरेटर (सोट्टो– नेपाल) ले राराबासदेखि रारतालसम्मको पर्यटन प्याकेज सार्वजनिक गरेपछि यतिबेला मुगुको राराताल घुम्न जाने आन्तरिक पर्यटकको घुँईचो लाग्ने गरेको छ । यसअघि वार्षिक औसत साँढे ६ सय पर्यटक पुग्ने रारामा अहिले एक दिनमै २ सय पर्यटक पुग्ने गरेका छन् ।
रारा ताल हेर्न आउने आन्तरिक पर्यटकको संख्यामा वृद्धि भएपछि त्यहाँ रहेको होटलहरु भरिभराउ हुने गरेका छन् । सोट्टोको पर्यटन प्रबद्र्धनसँगै प्याकेज सार्वजनिक पछि हाल त्यहाँ पर्यटक आगमनमा आकाश जमिनको फरक देखिएको सोट्टोका अध्यक्ष यम खड्काले बताए ।
आफुहरुको प्रबद्र्धनात्मक कार्यक्रमले पर्यटकको आगमनमा उल्लेख्य वृद्धि हुनु सुखद रहेको तर राराको बारेमा आवश्यक सूचना प्राप्त नगरि त्यहाँ पुग्दा भने बस्ने देखि सबै समस्या देखिन थालेको उनले बताए । उनले भने,ʽ हाल दैनिक ५० देखि २ सयभन्दा बढिको संख्यामा आन्तरिक पर्यटकहरु रारा पुग्ने गरेका छन् । तर कोहि कसैको सम्पर्क बिना रारा पुग्दा सर्वसाधारणहरुले दुःख पाईरहेका छन् । पर्यटन प्याकेज बस्ने स्थान लगायत बारेमा बुझेर रारा दृष्यावलोकनमा जान म सबैलाई आग्रह गर्दछु । होईन भने दुःख पाउनुहुनेछ । ʼ
सोट्टोले स्थलगत भ्रमण र प्रबद्र्धन सम्पन्न गरेपछि सार्वजनिक ३ पर्यटन प्याकेज हेर्न तलको लिंक खोल्नुहोस्
सोट्टोले यसप्रकार राराबास देखि राराताल सम्मको पर्यटन प्याकेज सार्वजनिक गरेको छ ।
त्यस्तै सोट्टोको लुम्बिनी देखि स्वर्गद्धारी र काठमाडौ देखि खप्तड सम्मको पर्यटन प्याकेज सार्वजनिक गरेको हो ।
प्रकाशित मितिः २०७३ कार्तिक ३
वि.सं.२०७३ कात्तिक ३ बुधवार १७:०१ मा प्रकाशित
