काठमाण्डौं । सुर्योदय लघुवित्त वित्तीय संस्थाले सर्वसाधारणका लागि निष्काशन गरेको १ लाख २० हजार कित्ता साधारण सेयर आज बाँडफाँड हुँदैछ । आज बिहीबार मध्यान्ह ३ बजे कान्तिपथस्थित होटल येल्लो प्यागोडामा सेयर बाँडफाँड गर्न लागिएको कम्पनीको सेयर निष्काशन तथा बिक्री प्रबन्धक ग्लोबल आईएमई क्यापिटलले जनाएकोछ ।
सुर्योदयले नेपाल राष्ट्र बैङ्कबाट २०७० असार ६ मा ‘घ’ वर्गको वित्तीय संस्थाका रूपमा कारोवार गर्न स्वीकृति प्राप्त गरेको हो । स्याङ्जाको पुतली बजारमा मुख्य कार्यालय रहेको संस्थाले आज बाँडफाँड हुन लागेको सेयरको गत भदौ १२ गते निष्काशन भएर भदौ १५ गते निष्काशन बन्द भएको थियो ।
लघुवित्तले साधारण सेयरका लागि ग्लोबल आइएमई क्यापिटल, सूर्योदय लघुवित्त वित्तीय संस्था लिमिटेड, रानीकुवा लमजुङ्, मल्लाज र पर्वत शाखा, ग्लोबल आइएमई बैंकको उपत्यकाका कान्तिपथ, सिनामंगल, सुकेधारा, पुल्चोक, नख्खु, सूर्यविनायक र बनस्थलि शाखा बाट आवेदन संकलन गरेको थियो । त्यस्तै, पोखराको न्यूरोड, हेटौडा, विराटनगर, नेपालगंज, विर्तामोड र ज्योति विकास बैंकका केही शाखाहरुबाट पनि आवेदन संकलन गरेको थियो ।
४ कार्तिक २०७३, ११।००
वि.सं.२०७३ कात्तिक ४ बिहीवार ११:०७ मा प्रकाशित
