काठमाण्डौं । नेपाल राष्ट्र बैंकले चार वटा तथ्यहरु सार्वजनिक गर्दै अर्थतन्त्रमा सुधार आउने बताएकोछ । राष्ट्र बैंकले आर्थिक गतिविधिमा सुधार आएको भन्दै यस्तो बताएको हो । उसले बताएका चार तथ्यहरु निम्न छन्ः
१. भदौ महिनासम्म देशको धेरैजसो भूभागमा पर्याप्त बर्षा हुनुका साथै कृषिजन्य सामग्रीहरुको वितरणसमेत सहज रहेकाले बर्षे वालीहरुको उत्पादन गत बर्षको तुलनामा उल्लेख्य बृद्धि हुने सम्भावना देखिन्छ ।
२. भदौसम्ममा उर्जा एवं अन्य कच्चा पदार्थहरुको आपूर्ति गत बर्षको यही अवधिको तुलनामा सुधार आएकाले उद्योगहरुको क्षमता उपयोग विस्तार भएको छ।
३. पर्यटकीय होटलहरुको बेड अकुपेन्सी दरमा सुधार आएकाले पर्यटन व्यवसायमा सकारात्मक प्रभाव देखिएको छ।
४. चालु आर्थिक बर्षको भदौ महिनासम्ममा गत बर्षको यही अवधिको तुलनामा सरकारको विकास खर्चमा केही विस्तार आएको, औद्योगिक उत्पादनले गति लिन थालेको र कृषि क्षेत्रतर्फ बर्षे वालीहरुको उत्पादन उत्साहजनक हुने देखिएकाले समग्र आर्थिक गतिविधिमा सकारात्मक प्रभाव देखिएको छ।
५ कार्तिक २०७३, ३.४५
वि.सं.२०७३ कात्तिक ५ शुक्रवार १६:०४ मा प्रकाशित
