काठमाण्डौं । यती डेभलपमेन्ट बैंकले चालु आर्थिक बर्षको पहिलो त्रैमासिकमा ६ करोड ६२ लाख रुपैयाँ खुद मुनाफा कमाएको छ। यो गत आर्थिक बर्षको समान अवधिको तुलनामा ४०१ प्रतिशतले धेरै हो।
बैंकले गत आवको पहिलो त्रैमासिकमा एक करोड ३२ लाख रुपैयाँ नाफा कमाएको थियो। गत आवको असोज सम्ममा ३४ करोड रुपैयाँले ऋणात्मक भएको जगेडा कोष समेत यसपाली ११ करोड ५२ लाख रुपैयाँले धनात्मक भएको छ। बैंकले बिभिन्न २५ शाखा तथा २० एटिएम काउन्टरबाट सेवा दिँदै आएको छ।
बैंकले छिटै ५० प्रतिशत हकप्रद सेयर समेत दिने भएको छ। यसका लागि यती डेभलपमेन्ट बैंकले एनसिएम मर्चेन्ट बैंकिङ्गलाई सेयर रजिष्ट्रार समेत नियुक्त गरिसकेको छ।
१२ कार्तिक २०७३, १२।३०
वि.सं.२०७३ कात्तिक १२ शुक्रवार १३:४१ मा प्रकाशित
