तयार बन्नुहोस्, मंसिर १ गतेदेखि २ वित्तीय संस्थाको सेयर खुल्दै

काठमाडौ । मंसिर १ गतेदेखि दुई वटा वित्तीय संस्थाको हकप्रद सेयर खुल्ने भएको छ । जनता बैंक र सेती फाइनान्सले हकप्रद सेयर निष्काशन गर्न लागेका हुन् ।

जनता बैंक नेपालको ५० प्रतिशत हकप्रद
जनता बैंक नेपाल लिमिटेडले मंसिर १ गतेदेखि ५० प्रतिशत अर्थात दुई बराबर एकको अनुपातमा हकप्रद सेयर निष्काशन गर्ने भएको छ । बैंकले १०० रुपैयाँ अंकित मूल्यमा १ करोड ३ लाख कित्ता हकप्रद शेयर निष्काशन गर्न लागेको हो ।

पुस ५ गतेसम्म निष्काशन खुला रहने हकप्रद सेयरमा कात्तिक १० गतेसम्म कायम सेयरधनीले मात्रै आवेदन दिन पाउनेछन् । बैंकको सेयर निष्काशन तथा विक्रि प्रबन्ध एनसिएम मर्चेन्ट बैंकिङ लिमिटेडले गर्दैछ । जनता बैंकका विभिन्न कार्यालय र विक्रि प्रबन्धक एनसिएम मर्चेन्टमा उक्त हकप्रद सेयरका लागि आवेदन दिन सकिनेछ ।

सेती फाइनान्सको १५० प्रतिशत हकप्रद
सेती फाइनान्स लिमिटेडको १५० प्रतिशत हकप्रद सेयर मंसिर १ गतेबाट निष्काशन हुने भएको छ । कम्पनीले १०० रुपैयाँ अंकित दरका नौ लाख ५१ हजार ७८६ कित्ता सेयर जारी गर्न लागेको हो । कात्तिक ९ गतेसम्म कायम सेयरधनीले उक्त हकप्रद सेयर पुस ५ गतेसम्म भर्न पाउनेछन् । कम्पनीको सेयर निस्कासन तथा बिक्री प्रबन्धकमा एनआइबिएल क्यापिटल रहेको छ । एनआईबिल क्यापिटल, नेपाल इन्भेष्टमेन्ट बैंक र कुमारी बैंक लिमिटेडमा उक्त हकप्रदका लागि आवेदन दिन पाइनेछ ।

प्रकाशित मितिः २०७३ कार्तिक १७

२०७३ कार्तिक १७ गते १४:१४ मा प्रकाशित

You can share this post!

६० सदस्यीय दलबल सहित नेपाल भ्रमणमा रहेका भारतीय राष्ट्रपति मुखर्जीको भव्य स्वागत

मुखर्जीको स्वागतमा पोखरा झक्की झकाउ

Related posts