काठमाडौ । माछापुच्छ्रे बैंकले आफ्ना सेयरधनीलाई २०.७५ प्रतिशत बोनस सेयर वितरण गर्ने प्रस्ताव गरेको छ । बैंकको संचालक समितिको बैठकले गतबर्षको खुद मुनाफाबाट २०.७५ प्रतिशत बोनस सेयर र कर प्रयोजनको लागि १.०९ प्रतिशत नगद लाभांस दिने प्रस्ताव गरेको हो । बैंकले प्रस्ताव गरेको लाभांस नेपाल राष्ट्र बैंकको स्वीकृति र आगामी बार्षिक साधारण सभाबाट पारित भएपछि लगानीकर्ताले पाउनेछन् ।
२०.७५ प्रतिशत बोनस वितरण गरेपछि बैंकको पुँजी ८० करोड रुपैयाँले बढ्नेछ । नेपाल राष्ट्र बैंकको निर्देशनअनुरुप ०७४ असार मसान्तसम्ममा बैंकले आठ अर्ब पुँजी पुर्याउनुपर्नेछ । यसका लागि बैंकले हालको चुक्तापूँजीको ५० प्रतिशत हकप्रद शेयर जारी गर्ने प्रक्रिया अघि बढाइसकेको छ । बाँकी पुँजी जुटाउनका लागि बैंकले मर्जर तथा एक्विजिसनको विकल्प पनि खुला राखेको छ ।
प्रकाशित मितिः २०७३ कार्तिक २०
वि.सं.२०७३ कात्तिक २० शनिवार १४:३४ मा प्रकाशित