तपाईको जिल्लालाई फ्रिवाईफाई जिल्ला बनाउने हो ? यसरी जुटाउन सकिन्छ पैसा !

नेपालका अधिकाँस स्थापनमा इन्टरनेट नभएकै कारण धेरै मानिसहरुले विश्वभरका सम्पूर्ण जानकारी लिन सकिरहेका छैनन् । उनीहरु सूचनाबाट पनि पछि परिरहेका छन् । तर अब जिल्लालाई नै फ्रिवाईफाई जिल्ला बनाएर सबैमाझ विश्वलाई जोड्ने अभियान प्रवासबाट सुरु भएको छ ।

रोजगारी र व्यवसायका लागि प्रवासमा रहेका म्याग्देलीले जिल्लाका सबै बस्तीमा इन्टरनेट सुविधा विस्तार गर्न ५० लाख रुपैयाँ जुटाएका छन् ।

म्याग्दी प्रवासी नेपाली संघ (मोना) अन्तर्राष्ट्रिय कार्यसमितिले जिविसले अघि बढाएको जिल्लालाई फ्रिवाइफाई बनाउने योजनामा वित्तीय व्यवस्थापनका लागि सहयोग जुटाएका हुन् । देशमै नमुनाका रुपमा म्याग्दीमा सञ्चालन हुन लागेको इन्टरनेट सेवा विस्तार योजनाका लागि हालसम्म रु ५० लाख जुटाइसकिएको मोनाका कोषाध्यक्ष चक्र थापाले जानकारी दिएका छन् ।

मोनाले देश रेहका र सबै बिदेशमा रहेका मोनाको कार्यसमितिमार्फत सहयोग सङ्कलन कार्यलाई निरन्तरता दिएको जनाएको छ । मोनाको विश्वका २२ देशमा राष्ट्रिय समिति गठन भएको छ । रु चार करोड लागत अनुमान गरिएको योजनाका लागि नेपाल ग्रामीण दूरसञ्चार प्राधिकरण कोषले ५० प्रतिशत लगानी गर्न सहमति जनाएको छ । वित्तीय स्रोत व्यवस्थापन भएको छ महिनाभित्र सबै बस्तीमा इन्टरनेट पु¥याउने गरी उक्त तयारी गरिएको छ ।

प्रकाशित मितिः २०७३ कार्तिक २१

२०७३ कार्तिक २१ गते १३:२४ मा प्रकाशित

You can share this post!

थाहा पाइराख्नुहोस्, दर्जन कम्पनीले ल्याउँदैछन् प्राथमिक सेयर !

पैसा ठिक गर्नुहोस्,४ अर्ब ५१ लाख ९२ हजार रुपैंया बराबरको सेयर पाइपलाइनमा !

Related posts