सेयरमा दोहोरो अंकको गिरावट, कारोबार रकम बढ्दा लगानीकर्ता भने आशाबादी

काठमाडौ । सोमबार सेयर बजार दोहोरो अंकले ओरालो लागेको छ । बजार परिसूचक नेप्से १३.०९ अंकले तल झरेर १७४९.१२ विन्दुमा आएर रोकिएको छ ।

तिहारपछिको दोस्रो कारोबारको दिन सोमबार नेप्से झ्याप्पै ओरालो लागेको हो। दसैं, तिहार, छठलगायतका पर्व सकिएकाले अब विस्तारै बजारको गति लिने लगानीकर्ताको आशा रहे पनि बजार ओरालो लागेको छ ।

बजारमा तरलता अभावको चर्चा भएकै कारण बजार घट्न गएको अनुमान लगाईएको छ  । यद्दपी विश्लेषकहरु हकप्रद सेयर र लाभाँस वितरणको कार्य भईरहेकाले आत्तिन नपर्ने बताउँछन् । तापनि बजार कुन गतिमा अगाडि बढ्छ भन्ने अझै अनुमान लगाउन गाह्रो छ ।

नेप्से घटे पनि सोमबार कारोबार रकममा भने केही सुधार आएको छ । यस दिन ६८ करोड ७४ लाख ८८ हजार रूपैयाँको सेयर कारोबार भएको छ । गत बिहीबार भने ५३ करोड ८५ लाख रुपैयाँ बराबरको सेयर किनबेच भएको थियो ।
सोमबार कुल एक सय ३४ कम्पनीको आठ लाख ८१ हजार पाँच सय ३३ कित्ता सेयर किनबेच भयो ।

बिहबार जस्तै सोमबार पनि सबैभन्दा बढी सिभिल बैंकको सेयर किनबेच भएको छ । यो बैंकको मात्र पाँच करोड २५ लाख ६५ हजार रूपैयाँको सेयर कारोबार भयो ।

सोमबार अधिकाँस बजार हिस्सा ओगट्ने वाणिज्य बैंक समूहको परिसूचकमा १८.०१ अंकले गीरावट आएको छ ।

प्रकाशित मितिः २०७३ कार्तिक २२

२०७३ कार्तिक २२ गते १८:२९ मा प्रकाशित

You can share this post!

आन्दोनलको हुन्डरी मच्चाउन तयार रहन जिफन्टद्धारा १५ लाख मजदुरलाई निर्देशन

२७ प्रतिशत लाभाँस दिंदै पावर कम्पनी !

Related posts