काठमाण्डौं । नेपाल धितोपत्र बोर्डले मञ्जुश्री फाइनान्स र नमस्ते वित्तीय संस्थालाई हकप्रद निष्काशनको स्वीकृति दिएको छ ।
२५ करोड रुपैंया चुक्ता पूँजी रहेको मञ्जुश्री फाइनान्सले १ सय ७५ प्रतिशत हकप्रद निष्काशनका लागि धितोपत्र बोर्डको स्वीकृति पाएको हो । हकप्रद निष्काशन तथा प्रस्तावित बोनस बितरण पश्चात फाइनान्सको चुक्ता पूँजी ७१ करोड रुपैंया नाघ्नेछ । अहिले फाइनान्सको प्रतिकित्ता सेयर मूल्य ४ सय १६ रुपैंया रहेको छ ।
त्यस्तै, ३ करोड ७५ लाख रुपैंया चुक्ता पूँजी रहेको नमस्ते वित्तीय संस्थाले पनि शतप्रतिशत हकप्रद निष्काशनका लागि धितोपत्र बोर्डको स्वीकृति पाएको छ । कम्पनीले गत आर्थिक वर्षमा १ करोड १४ लाख रुपैंया खुद नाफा कमाएको थियो । हकप्रद निष्काशन पश्चात ७ करोड ५० लाख रुपैंया चुक्ता पूँजी पुग्ने फाइनान्सको प्रतिकित्ता सेयर मूल्य ७ सय २० रुपैंया रहेको छ ।
२५ कार्तिक २०७३, १।००
वि.सं.२०७३ कात्तिक २५ बिहीवार १४:२८ मा प्रकाशित
