काठमाडौं । केही सयमयता लगातार दोहोरो अंकले घटिरहेको सेयर बजार परिसुचक साताको पहिलो दिन आईतबार सामान्य उकालो लागेको छ । दिनभर उत्तरचढाव कायम रहेको बजार अन्तिममा आएर २ दशमलव ८३ अंकले बढेर १७०० कायम हुन पुग्यो ।
बैंकिङ र बीमा समुहको परिसुचक बढेसँगै नेप्सेमा सामान्य टेवा पुगेको हो । बजारमा सवैभन्दा बढी प्रभाव पार्ने बैंकिङ समुहको परिसुचक २ दशमलव ७ अंकले बढ्दा बीमा समुहको परिसुचक ३८.८८ अंकले उकालो लागेको छ । यसैगरी बजारमा विकास बैंक, फाइनान्स र अन्य समुहका परिचुक पनि सामान्य उकालो लागेका छन् ।
आइतबार कुल १ सय ३७ कम्पनीको सेयर कारोवार भएको छ । ती कम्पनीको ७३ करोड २१ लाख रुपैयाँ बरावरको ८ लाख ६२ हजार कित्ता सेयर खरिदविक्री भएका छन् ।
कारोबारका आधारमा हेर्दा, एभरेष्ट बैंकमा लगानीकर्ताको बाक्लो आकर्षण रहेको देखिएको छ । आइतबार एकैदिनमा एभरेष्ट बैंकको २० करोड ४३ लाख रुपैयाँ बराबरको सेयर कारोबार भएको छ । यसबाहेक, सिभिल बैंकको चार करोड माथिको कारोबार हुँदा शिखर इन्स्योरेन्सको तीन करोड २० लाख रुपैयाँको कारोबार भएको छ भने स्टान्डर्ड चार्टर्ड बैंक र बैंक अफ काठमाण्डू लुम्बिनीको दुई करोड ९० लाखमाथिको कारोबार भएको छ । कुमारी बैंकको पनि दुई करोडमाथिको कारोबार भएको छ । एनएमबी बैंक, नबिल बैंक, एसबीआई बैंक, सिद्धार्थ बैंक लगायतको एक करोडमाथिको कारोबार भएको छ ।
प्रकाशित मितिः २०७३ कार्तिक २८
वि.सं.२०७३ कात्तिक २८ आइतवार १५:४९ मा प्रकाशित
