काठमाण्डौं । आज मंगलबार नेप्से २३.८२ अंकले झरेर १५८२.४७ विन्दुमा पुगेको छ । कारोबारमा आएका सबै समूह राताम्मे भएपछि बजारमा उच्च गिरावट आएको हो ।
आज १३१ कम्पनीको सेयर किनबेच भएको बजारमा करिब ८३ करोड बराबरको कारोबार भयो । कारोबार रकम पनि अघिल्लो दिनको तुलनामा दश करोड रुपैयाँ कम हो ।
आज मंगलबार पनि एभरेष्ट बैंकको सबैभन्दा धेरै सेयर किनबेच भएको छ । आज एभरेष्ट बैंकको ९ करोड १३ लाख रुपैयाँ बराबरको सेयर किनबेच भएको छ । अघिल्लो दिन जस्तै मंगलबार पनि सृजना फाइनान्सका लगानीकर्ताले सबैभन्दा धेरै कमाए । यो कम्पनीको सेयरमूल्य दश प्रतिशतले बढेको छ ।
तर, रिलायबल माइक्रोफाइनान्सका लगानीकर्ताले दश प्रतिशतले गुमाएका छन् । नेपाल ग्रामिण विकास बैंक,लक्ष्मी लघुवित्त, मिशन डेभलपेमन्ट लगायतका कम्पनीले पनि दश प्रतिशतकै हाराहारीमा गुमाएका छन् ।
बाफियाको संशोधन बिधयेकमा बैंक तथा बित्तीय संस्थाहरुको संस्थापक सेयर स्थापनाको १० बर्षपछि साधारण बनाउन सकिने कुरालाई गलत तरिकाले प्रचारबाजीमा ल्याएर बजार घटाइएको सेयर विश्लेषकहरु बताउँछन् । यस्तो बेला साधारण लगानीकर्ताले आफ्नो विवेक पु¥याउनुपर्ने उनीहरुको भनाई छ ।
७ मंसिर २०७३, ३. २०
वि.सं.२०७३ मंसिर ७ मंगलवार १५:४२ मा प्रकाशित
