काठमाडौ। कृषि राज्यमन्त्री राधिका तामाङले छुट्टै माछा मन्त्रालय स्थापना गर्ने माछा व्यवसायीको माग पूरा गर्न नसकिने बताएकी छिन् ।
काठमाडौँको भृकुटीमण्डपमा बिहिबारदेखि सुरु भएको तेस्रो राष्ट्रि«य माछा महोत्सवको उद्घाटन गर्दै मन्त्री तामाङले छुट्टै मन्त्रालय स्थापना गर्न नसकिने बताइन् । माछापालन सम्बन्धि तीनवटा स्मारिका विमोचन गर्दै उनले यसको व्यवसायीकरण जोड दिईन्
कार्यक्रममा नेपाल उद्योग वाणिज्य महासङ्घका कृषि संयोजक दिलसुन्दर श्रेष्ठले मुलुकको व्यापार घाटा कम गर्ने मुख्य आधार मत्स्यपालन भएको बताए ।
महोत्सवमा माछासँग सम्बन्धित उपकरण, दाना, औषधि, सरकारी तथा गैरसरकारी संस्था एवम् अन्य कृषिउपजका गरी ४० वटा स्टल राखिएका छन् ।
मत्स्य व्यवसायी सङ्घले आयोजना गरेको महोत्सवमा पङ्गासिएस, कार्प, रहु, नैनी, भाकुर, र कमन, सिल्भर, विगहेड, र ग्रासकार्पलगायत विदेशी प्रजातिका जिउँदा माछाको बिक्री तथा माछाका विभिन्न परिकार खान पाइने छ । महोत्सवमा माछा नखानेलाई रु १०० र परिकारको स्वाद लिनेलाई रु २५० प्रवेश शुल्क तोकिएको छ ।
प्रकाशित मितिः २०७३ मंसिर ९
वि.सं.२०७३ मंसिर ९ बिहीवार १८:५२ मा प्रकाशित
