काठमाडौ । काभ्रेपलाञ्चोक धुलिखेलमा मुख्य कार्यालय रहेको अरनिको डेभलपमेन्ट बैंकको हकप्रद सेयर भर्ने आज अन्तिम दिन हो । आज बैंकिङ कार्यालय समयपछि आवेदन बन्द हुँदैछ । बैंकले कात्तिक ८ गते मंसिर १२ गतेसम्म हकप्रद सेयर बिक्री खुल्ला गरेको हो ।
बैंकले एक सय रूपैयाँ अंकित मूल्यको नौ लाख २८ हजार एक सय ९० हजार कित्ता सेयर बिक्री खुला गरेको हो ।
सेयरधनीले १० कित्ता सेयर बराबर नयाँ ३.६ सेयर (१०ः३.६) को अनुपातमा हकप्रद भरिरहेका छन् । यो सेयर गत असोज २७ गते सम्म कायम सेयरधनीले मात्र भर्न पाउनेछन् । बैंकको बिक्री प्रबन्धकको काम सिद्धार्थ क्यापिटल लिमिटेडले गरेको छ ।
हकप्रद भर्न लगानीकर्ताले अरनिको डेभलपमेन्ट बैंकको मुख्य कार्यालय तथा यसका शाखा कार्यालयहरूसहित सिद्धार्थ क्यापिटल लिमिटेड अनामनगर र सिद्धार्थ बैंक लिमिटेडका देशभरिका शाखा कार्यालयहरुबाट फारम लिन र बुझाउन सक्नेछन् ।
प्रकाशित मितिः २०७३ मंसिर १२
वि.सं.२०७३ मंसिर १२ आइतवार १४:०७ मा प्रकाशित
