काठमाण्डौं । आफ्ना सेयरधनीलाई देव विकास बैंकले ५० प्रतिशत अर्थात २ बराबर १ को अनुपातमा हकप्रद सेयर दिने भएको छ । बैंकलाई नेपाल धितोपत्र बोर्डले उक्त अनुपातमा हकप्रद निष्काशनका लागि अनुमति दिएको छ ।
बोर्डले मंसिर ११ गते बैंकलाई हकप्रद निष्काशनको अनुमति दिएको हो । बैंकले ४४ लाख ५ हजार ३९ कित्ता हकप्रद निष्काशन गर्न लागेको हो । बैंकको सेयर निष्काशन तथा बिक्री प्रबन्धकमा एनआईबीएल क्यापिटल रहेको छ ।
बैंकले चालु आर्थिक वर्ष २०७३÷७४ को पहिलो त्रैमाशमा खुद मुनाफा ५ करोड ६ लाख रुपैयाँ कमाउन सफल भएको छ । यो गत वर्षको सोहि अवधिको तुलनाभन्दा २९ दशमलव ४७ प्रतिशतले बढी हो ।
१३ मंसिर २०७३, ११।००
वि.सं.२०७३ मंसिर १३ सोमवार ११:०९ मा प्रकाशित
