काठमाण्डौं । नेपाल धितोपत्र बोर्डले भारतीय लगानीमा खुल्न लागेको केयर रेटिगं (नेपाल) लिमिटेडलाई कम्पनी स्थापनको सहमति दिएको छ । धितोपत्र बोर्डको सहमति पछि अब कम्पनी स्थापनाको प्रकृया अघि बढ्ने भएको छ ।
अन्तर्राष्ट्रिय संस्था केयर रेटिंगसंगको सहकार्यमा नयाँ एजेन्सी स्थापना गर्ने सम्बन्धमा भदौ १५ गते विशाल ग्रुप र इमर्जिंग नेपालले एजेन्सी सञ्चालनमा ल्याउन त्रिपक्षीय सम्झौता गरेका थिए । विशाल ग्रुप नेपालमा वित्तीय सेवाको क्षेत्रमा सक्रिय संस्था हो भने इमर्जिगं नेपाल भेन्चर क्यापिटल क्षेत्रमा कार्यरत रहँदै आएको संस्था हो ।
२ करोड रुपैंयाको चुक्ता पूँजीमा स्थापना हुने केयर रेटिगं ९नेपाल० लिमिटेडको लगानीमा केयर रेटिगंको ५१, विशाल ग्रुपको १९ र इमर्जिगं नेपालको १० तथा अरु २० प्रतिशत बैंक, इन्स्योरेन्स कम्पनी, वित्तीय संस्था तथा बिभिन्न कर्पोरेट कम्पनीहरुबाट प्रति कम्पनी ९ प्रतिशत ननाघ्ने गरी लगानी जुटाइने एजेन्सीको योजना छ । नेपालमा सार्वजनिक रुपमा सेयर निष्काशन गराउन चाहने कम्पनीहरुले क्रेडिट रेटिंग गराउनु पर्ने व्यवस्था छ ।
नेपालमा एउटा मात्र इक्रा नेपाल नामको क्रेडिट रेटिग एजेन्सी सञ्चालनमा रहेको अवस्थामा बोर्डले केयर रेटिगंलाई समेत स्थापनको सहमति दिए पछि अब दुई वटा रेटिंग एजेन्सी सञ्चालन हुने भएका छन् ।
२३ मंसिर २०७३, ११।००
वि.सं.२०७३ मंसिर २३ बिहीवार १६:४८ मा प्रकाशित