काठमाण्डौं । सगरमाथा फाइनान्स लिमिटेडले ८० प्रतिशत अर्थात १०ः८ को अनुपातमा हकप्रद सेयरको बिक्री खुला गरेको छ । हकप्रद प्रयोजनका लागि कम्पनीले मंसिर २४ गते सेयरधनी दर्ता पुस्तिका बन्द गर्देछ ।
यस फाइनान्सको दश कित्ता सेयर हुनेले आठ कित्ताका लागि आवेदन दिन सक्नेछन् । कम्पनीले एक सय रुपैयाँ अंकित दरका २९ करोड ५४ लाख रुपैयाँ बराबरको २९ लाख ५४ हजार ३९० कित्ता सेयर निस्काशन गर्न लागेको हो । यस हकप्रद सेयरको लागि सेयरधनीले पुस ११ देखि माघ १७ गतेसम्म आवेदन गर्नुपर्नेछ ।
हाल फाइनान्सको ३६ करोड ९२ लाख रुपैया चुक्ता पुँजी रहेको छ । फाइनान्सको हकप्रद सेयर निष्काशन तथा बिक्री प्रबन्धकमा एनआईबीएल क्यापिटल मार्केट्स रहेको छ । सेयरधनीले एनआईबीएल क्यापिटल मार्केट्स र सगरमाथा फाइनान्सका शाखा कार्यलयहरुबाट हकप्रद सेयर आवेदन भर्न सकिने कम्पनीले जनाएको छ ।
२३ मंसिर २०७३, ११।००
वि.सं.२०७३ मंसिर २३ बिहीवार १८:१७ मा प्रकाशित