काठमाण्डौं । साताको पहिलो दिन आज आइतबार सेयर बजार ओरालो लागेको छ । यो साताको पहिलो दिन नेप्से तथा कारोबार रकम दुवैमा गिरावट आएको छ । बजार खुलेदेखि नै निरन्तर ओरालो लागेको नेप्से २१.८८ अंकले झरेर १५२२.८० अंकमा पुगेको छ ।
आज उत्पादन बाहेक सबै समूहमा गिरावट आएपछि बजारमा झर्न पुगेको हो । त्यस्तै, कारोबार रकम पनि अघिल्लो कारोबार भएको दिनको तुलनामा २० करोड रुपैयाँ कम छ । आज १४१ कम्पनीको कारोबार भएको बजारमा ४० करोड रुपैयाँ बराबरको मात्रै सेयर किनबेच भयो ।
२६ मंसिर २०७३, ३।३०
वि.सं.२०७३ मंसिर २६ आइतवार २१:१३ मा प्रकाशित
