धादिङ। धादिङ जिल्ला विकास समिति र नीलकण्ठ नगरपालिकाको सह–आयोजनामा धादिङ उद्योग वाणिज्य सङ्घले यही पुस ७ देखि १७ गतेसम्म नीलकण्ठ नगरपालिका–४ रापटार धादिङबेसीमा पाँचौँ धादिङ महोत्सव गर्ने भएको छ । साथै महोत्सवको लागि तयारी तीब्र पारिएको छ ।
‘धादिङको दिगो विकास र अर्थतन्त्रको आधार, कृषि पर्यटन जलस्रोत तथा उद्योगको पूर्वाधार’ भन्ने नाराका साथ महोत्सवको आयोजना गर्न लागिएको संघका अध्यक्ष बोधनाथ दुवाडीले बताए । उनका अनुसार महोत्सवमा कृषि तथा साना घरेलु उद्योगबाट उत्पादित सामग्री, खनिजजन्य पदार्थ, जडीबुटी, सल्यानटारको मास, झार्लाङको आलु र हस्तकलाका सामग्री प्रदर्शन तथा बिक्रीकक्ष राखिनेछ ।
हस्तकलाको प्रदर्शनी, जडीबुटी तथा बनपैदावारको प्रदर्शनी, खनिजजन्य उत्पादन लगायतको प्रदर्शनी रहेको महोत्सवमा करिब १ सय ७० वटा स्टलहरु रहनेछ ।
महोत्सवमा धादिङ जिल्लाको पर्यटकीय क्षेत्रहरुको प्रचारप्रसार एवम् प्रवद्र्धनको लागि प्याराग्लाइडिङने तथा हेलिकप्टरबाट दृश्यावलोकन एवम् जिल्लाको पर्यटकीय क्षेत्रहरुको जानकारी गराउनुको साथै विभिन्न जातजातिको भेषभुषा झल्कने संस्कृतिको प्रदर्शनी गरिने आयोजकले जनाएको छ ।
प्रकाशित मितिः २०७३ मंसिर २६
वि.सं.२०७३ मंसिर २६ आइतवार २०:४४ मा प्रकाशित
