काठमाडौ । सानिमा बैंक लिमिटेडले सिबिआईएल क्यापिटल लिमिटेडलाई हकप्रद शेयर निष्कासन तथा विक्री प्रबन्धक नियुक्त गरेको छ । बैंकले गत वार्षिक साधारण सभाबाट ३० प्रतिशत हकप्रद शेयर जारी गर्ने निर्णय गरेको थियो । बैंकका तर्फबाट नायव प्रमुख कार्यकारी अधिकृत तेज बहादुर चन्द र सि.वि.आई.एल. क्यापिटल लिमिटेडका तर्फबाट नायव प्रमुख कार्यकारी अधिकृत नलिना श्रेष्ठले एक समारोहका बीच आईतबार हस्ताक्षर गरेका छन् ।
यसरी बैंकले शेयरधनीहरुलाई रु.१००।– अंकित दरका १,५९,१७,६१७ कित्ताले हुन आउने रु एक अर्व उन्नासाठी करोड सत्र लाख एकसाठी हजार सात सय बराबरको हकप्रद शेयर निष्कासन गर्दैछ ।
सानिमा बंैकको मेचीदेखि महाकालीसम्म ४१ वटा शाखा संजाल तथा ४७ वटा ए.टि.एम रहेका छन । २०७३ आषाढ मसान्तको लेखापरिक्षण अनुसार बैंकको निष्कृय कर्जाः०.०२%,कर्र्जा निक्षेप अनुपातः७६.०७%,रियल स्टेट कर्जाः९.८५%, खुद तरलताः २४.२४% र
पँुजीकोषः १२.३६% रहेको बंकद्धारा जारी प्रेस विज्ञप्तीमा जनाईएको छ ।
प्रकाशित मितिः २०७३ मंसिर २६
वि.सं.२०७३ मंसिर २७ सोमवार ००:५९ मा प्रकाशित
