काठमाण्डौं । त्रिवेणी विकास बैंकले गत कात्तिक २३ देखि जारी गरेको ५० प्रतिशत हकप्रद सेयरको आवेदन दिने आज अन्तिम दिन रहेकोछ । बैंकले दुई कित्ता सेयर हुनेले एक कित्ता भर्न मिल्ने गरी आजसम्मका लागि ४१ लाख ७६ हजार कित्ता हकप्रद बिक्री खुला गरेको हो ।
यस कम्पनीको हकप्रदमा असोज ३० गतेसम्म कायम बैंकका सेयरधनीले मात्र आवेदन दिन सक्नेछन् । बैंकको सेयर निष्काशन तथा बिक्री प्रबन्धक एस क्यापिटल रहेको छ । सेयरधनीले एक क्यापिटलको कार्यालय लालदरबार, त्रिवेणी विकास बैंकको मुख्य कार्यालय तथा सबै शाखा कार्यालयहरु, एस डेभलपमेण्ट बैंकको मुख्य कार्यालय तथा सबै शाखा कार्यालयहरु र महालक्ष्मी विकास बैंकको महेन्द्रनगर र धनगढी शाखाबाट हकप्रदको आवेदन दिन सक्नेछन् ।
२७ मंसिर २०७३, ११।००
वि.सं.२०७३ मंसिर २७ सोमवार १७:०१ मा प्रकाशित